ប្រភព khmeronlinenews
ភ្នំពេញ៖តារាសម្ដែង សេង សូណា បានដុតអារម្មណ៍ទស្សនិកជនតាមរយៈការសម្ដែងតួបែបសិចជាមួយជនបរទេសម្នាក់។ការសម្ដែងឈុតនេះ ត្រូវបានគេប្រទះឃើញនៅលើបណ្ដាញសង្គម YouTube ដែលបានបង្ហោះនៅលើគណនី ឈ្មោះ សេង សូណា កាលពីពេលថ្មីៗនេះ។ នៅក្នុងវីដេអូក្ដៅសាច់នេះ មានរយៈពេលប្រមាណជា ១ នាទី កញ្ញា សេង សូណាបានលេងប្រលោមប្រលែងជាមួយជនបរទេស ដែលបង្កើតឲ្យមានការជជែកគ្នាថាតើ សេង សូណា កំពុងថតរឿងសិចមែនឬមិនមែន?
នៅមុនគេប្រទះឃើញវីដេអូនេះ កញ្ញា សេង សូណាបានបង្កើតឲ្យមានផ្ទុះព័ត៌មានថា នាងហ៊ានថតរឿងសិច ប៉ុន្ដែក្រោយមកនាង បានបដិសេធរឿងនេះ បន្ទាប់ពីមានការរិះគន់ឥតឈប់ឈរនៅលើបណ្ដាញសង្គមនានា។ ទាក់ទងទៅនឹងបញ្ហានេះ កញ្ញា សេង សូណាទទួលស្គាល់ថាក្នុងវីដេអូមួយនោះ គឺជា រូបនាងពិតប្រាកដមែន ប៉ុន្តែ នាងមិនដឹងថាអ្នកណាជាអ្នកបង្ហោះឡើយ។
កញ្ញា សូណាបញ្ជាក់ថា សកម្មភាពក្នុងវីដេអូនេះមិនមែនជាសកម្មភាពថតរឿងសិច ឬរឿងអ្វីមួយឡើយ ពោលគឺជាការសាកល្បង (តេស្ត)ពីសមត្ថភាពរបស់នាងប៉ុណ្ណោះ ដើម្បីបញ្ជាក់ថាតើនាងអាចសម្ដែងឈុតបែបនេះបានឬអត់។ “មុនថតរឿង ឆ្នាំវកគេធ្វើតេស្តពីខ្ញុំថា ខ្ញុំហ៊ានធ្វើឈុតបែបនេះ ឬ អត់មានអីប៉ះចំ សេង សូណា ចាំតែខ្លាចតើ”។ សេង សូណា និយាយបន្ថែម។ កញ្ញាសេង សូណា ប្រាប់ទៀតថា ការធ្វើតេស្តឈុតបែបនេះមែនប៉ុន្តែនៅពេលដែលប្លង់ថតមែនទែន រឿង “ឆ្នាំវក” មិនមានប្លង់ដូចនេះឡើយ។
សូណា សង្កត់ធ្ងន់ថានាងជាកូនខ្មែរ នាងមិនអាចថតរឿងសិចដូចដែលសារព័ត៌មានមួយចំនួនលើកឡើងឡើយ បើទោះបីជាតម្លៃខ្លួនក្នុងការថតនោះ តម្លៃប៉ុណ្ណាក៏ដោយ។នាងបានលើកឡើងថា ដោយសារតែ មានព័ត៌មានបែបនេះហើយបានធ្វើឲ្យផលិតកម្មក្នុងស្រុកមួយចំនួន មិនហ៊ានហៅនាងថតហើយមានតែលើផលិតកម្មក្រៅប្រទេសប៉ុណ្ណោះ។ កញ្ញា សេង សូណាបាននិយាយទៀតថា បច្ចុប្បន្ននេះនាងស្វាគមន៍ជានិច្ចប្រសិនណាមានផលិតកម្មក្នុងស្រុកទាក់ទងនាងឲ្យថតនោះ ទោះក្នុងតួសម្ដែងបែបណាក្ដី ព្រោះអាជីពជាអ្នកសិល្បៈនេះគឺនាងស្រលាញ់ខ្លាំងណាស់៕
