ប្រភព Khmer-note
បុរសម្នាក់វ័យ២៥ឆ្នាំរស់នៅទីក្រុង Suzhou ប្រទេសចិន ត្រូវបានគេរកឃើញស្លាប់នៅ ក្នុងបន្ទប់របស់គាត់ នាព្រឹក ថ្ងៃសៅរ៍កន្លងទៅ ដោយរូបគេបានអង្គុយស្លាប់ មុខទូរទស្សន៍ ទាំងទូរទស្សន៍នោះនៅផ្សាយការប្រកួតបាល់ទាត់។
តាម ប្រភពពត៌មាន rt.com បានអោយដឹងថា បុរសនោះសុខចិត្ត អត់ដេក ដើម្បីមើលការសម្ពោធការប្រកួតបាល់ទាត់ World Cup នៅប្រទេសប្រេស៊ីល ដែលត្រូវនឹងម៉ោង៦ព្រឹកនៅ ប្រទេសចិន ព្រោះគាត់ មិនចង់ខកខានកម្មវិធីដ៏អស្ចារ្យ នេះឡើយ។ ការប្រកួតចុងក្រោយគេ ដែលបុរសវ័យ ២៥ឆ្នាំបានទស្សនាមុនស្លាប់ គឺការប្រកួត រវាង Netherlands និង Spain ហើយថ្ងៃបន្ទាប់ គេត្រូវបានគេប្រទះឃើញស្លាប់ មុខទូរទស្សន៍តែម្តង។
បុរសនោះត្រូវបានគេបញ្ចូនទៅ កាន់មន្ទីរពេទ្យដែរ ប៉ុន្តែគ្រូពេទ្យបានប្រកាសថាស្លាប់ ដោយសារតែការដេកមិនគ្រប់គ្រាន់។ តាមប្រភពពត៌មានពត៌មានចិន បានអោយដឹងថា យ៉ាងហោចណាស់ មានប្រិយមិត្តបាល់ទាត់ចិនចំនួន៣នាក់បានស្លាប់ បាត់បង់ជីវិត ដោយសារតែនៅចាំមើល 2014 FIFA World Cup។
