ប្រភព នាវា
រឿងប្លែកៗត្រូវបានបង្កើតឡើងដោយមនុស្សដែលមានគំនិតប្លែកៗ ហើយភាពប្លែកទាំងនេះតែងតែបានក្លាយជាចំនាប់អារម្មណ៌ជាពិសេសសម្រាប់អតិថិជន និងមនុស្សទូទៅ។ តួរយ៉ាងកន្លែងលាងរថយន្តមួយកន្លែង ស្រាប់តែធ្វើឲ្យល្បីល្បាញភ្លាមៗដល់មជ្ឈដ្ឋានអ្នកមានប្រាក់ នាំគ្នាសម្រុកចូលលាងឡានរបស់ខ្លួនបើទោះជាវាមិនប្រលាក់ក៏ដោយ។
កន្លែងលាងរថយន្តនេះស្ថិតក្រុង Chaoyang រដ្ឋធានី ប៉េកាំង នៃប្រទេសចិន។ ចំនែកអ្នកលាងរថយន្តវិញ គឺជានារីសិចស៊ី ស្អាតៗ មានដងខ្លួនដ៏គួរឲ្យគ្រឺតខ្នាញ់ ស្លៀកពាក់តែអាវទ្រនាប់ និងខោទ្រនាប់ដូចគេកំពុងលេងកំសាន្តនៅលើឆ្នេរសមុទ្ធ។ សេវាកម្មលាងរថយន្តនេះមានតម្លៃ ៨៨០យ័ន ស្មើនឹង១៤២ដុល្លារអាមេរិក សម្រាប់ការលាងម្តង ដោយមិនរាប់បញ្ចូលសេវាដទៃទៀតនោះទេ។
អតិថិជនភាគច្រើនដែលអញ្ជើញមកភាគច្រើន ជិះសុទ្ធតែឡានទំនើបៗ ដូចជា Lamborghinis និង Maseratis ជាដើម។ ចំណែកឯប្រាក់ចំណូលរបស់កន្លែងលាងឡាននេះវិញក៏ក្រាស់ក្រែលណាស់ដែរ។
កន្លែងនេះ ត្រូវបានគេផ្តល់រហស្សនាមថា «កន្លែងថ្មី គំនិតថ្មី បង្កើតបានជាលុយ» តើត្រូវដែរទេ? បើសិននៅស្រុកខ្មែរយើងមានសេវាកម្មពិសេសបែបនេះ តើលោកអ្នកគួរចំណាយពេលលាងរថយន្តក្នុង១ថ្ងៃម្តងដែរទេ?
បុរសក្មេងម្នាក់នេះ (បុរសឈរពាក់វែនតាខ្មៅ) គឺជាកូនអ្នកមានម្នាក់។ គាត់មកលាងរថយន្តរបស់គាត់២ដងក្នុងមួយថ្ងៃ ហើយតែងតែឈរសំលឹងនារីអ្នកលាងរថយន្តមិនដាក់ភ្នែក។
