នេះជាកម្រងសាច់រឿងក្នុងចំរៀងរបស់ថៃ ដែលមានចំណងជើងថា «អសង្ខេយ្យ» ដែលទទួលបានការពេញនិយមបំផុតកាលពីឆ្នាំ២០១២។ វាបានកន្លងទៅអស់ពេលច្រើនគួរសមដែរហើយ ប៉ុន្តែវានៅតែអាចអង្រួនចិត្តរបស់ទស្សនិកជនរៀងរាល់ពេលបានទស្សនា។
ភាពយន្តចំរៀងខ្លីនេះ បានរៀបរាប់ពីស្នេហារបស់មនុស្ស៣នាក់នាក់គឺ Mae Ploy និងបុរសសង្ហារ Luang Pichaimahasongkram ដែលតាមយាយីដោយ Mook។ នៅជាតិទី១ Mook ត្រូវបានកាត់ទោសប្រហារជីវិតដោយកាត់ក្បាល ក្រោយពេលរកឃើញថានាងបានប្រើប្រាស់អំពើអាបធ្មប់ដើម្បីដាក់ស្នេហ៌បន្ទន់ចិត្តដង្ខៅ Luang Pichaimahasongkram ដែលជាគូដណ្តឹងរបស់ Mae Ploy ប៉ុន្តែត្រូវបានដឹងដោយ Mae Ploy។ នៅមុនពេលស្លាម Mook បានសច្ចារ្យប្រណិធានថានឹងតាមចងអាឃាត ព្យាបាថ Mae Ploy រាប់ពាន់ជាតិ មិនអោយអ្នកទាំងពីរបានជួបគ្នាជាដាច់ខាត រហូតដល់ពេលបច្ចុប្បន្ន។
បទចំរៀងក្នុងរឿងខ្លីនេះមានចំណងជើងថា «អសង្ខេយ្យស្នេហ៌» ដែលច្រៀងដោយ Ying Thiatikarn ក្នុងផលិតកម្ម R-siam។ បទនេះត្រូវបានច្រៀងសារឡើងវិញ (ច្រៀងតាម) ដោយតារាចំរៀងខ្មែរមួយចំនួនដែលមានចំណងជើ់ងដូចជា «ដួងចន្ទអើយ» «ស្នេហ៍ខ្ញុំដូចរឿងនិទាន» និង «ផ្ញើបេះដូងទុកក្នុងព្រះចន្ទ»។
ខាងក្រោមនេះគឺអត្ថន័យបកប្រែក្រៅផ្លូវការរបស់បទ អសង្ខេយ្យស្នេហ៌..៖
សូមអោយស្នេហ៌របស់យើងក្លាយជាខ្យល់ ព្រោះបេះដូងរបស់ខ្ញុំកំពុងហោះហើរ។ សូមទំលាក់វាចុះអោយឆ្ងាយ។ ក្លិនក្រអូបនៃផ្ការបានហើរមកប៉ះបេះដូងខ្ញុំជាមួយស្នេហា ហើយខ្ញុំសង្ឃឹមថា វានឹងនាំទៅដល់អ្នកដែរ គឺត្រូវបានផ្ញើពីមនុស្សម្នាក់ដែលកំពុងរងចាំ។ ខ្ញុំនឹកអ្នកខ្លាំងណាស់ អ្នកប្រហែលមិនដឹងទេ ខ្ញុំគ្រាន់តែចង់អោយអ្នកដឹងថា ខ្ញុំមិនត្រូវការអ្វីគ្រប់យ៉ាង ប៉ុន្តែខ្ញុំត្រូវការអ្នក។ ខ្ញុំផ្ញើចំរៀងនេះទៅក្នុងខ្យល់ ព្រោះវានឹងទៅដល់អ្នក។ ទោះជាអ្វីក៏ដោយ ខ្ញុំនឹងនៅតែស្រលាញ់អ្នកគ្រប់ពេលវេលា លុះអស់ដង្ហើម....
