ប្រភព KPT
លោកអ្នកដឹងច្បាស់ហើយថា ជប៉ុនជាប្រទេសមួយដែលពូកែខាងផលិតបច្ចេកវិទ្យានៅលើលោកនេះ។ ពេលនេះប្រទេសអភិវឌ្ឍមួយនេះបានផលិតឧបករណ៍មួយប្រភេទទៀតសម្រាប់បញ្ជាក់ថា តើលោកអ្នកពិតជានិយាយការពិត ឬនិយាយកុហក។
ឧបករណ៍នេះត្រូវបានបង្កើតឡើងដោយក្រុមហ៊ុនតុក្កតាជប៉ុនឈ្មោះTakara Tomy ដែលមានមូលដ្ឋានស្ថិតនៅទីក្រុងតូក្យូ ដែលជាប្រភពផលិតឧបករណ៍ស្កេនជាច្រើនសម្រាប់ការប្រើប្រាស់តាមមន្ទីរពេទ្យ និងកន្លែងសំខាន់ៗជាច្រើនទៀត។
តាមប្រភពព័ត៌មានបានចេញផ្សាយថា ឧបករណ៍នេះនៅពេលលោកអ្នកពាក់វានៅលើក្បាល វានឹងឆ្លើយតបវិជ្ជមាន ឬអវិជ្ជមានតាមរយៈសញ្ញាពិសេសមួយដែលត្រូវបានកត់សំគាល់ថាតើពិត ឬកុហក។
បន្ទាប់មកអ្នកពាក់ត្រូវសួរសំណួរ ហើយអ្នកពាក់វាលើក្បាលនឹងឆ្លើយតប ហើយឧបករណ៍នេះវាគ្រប់គ្រងលើចលនាបេះដូងលោត។ បន្ទាប់មកវាបានបញ្ចេញភ្លើងពណ៌បៃតងដែលបញ្ជាក់ថា ជាសញ្ញាធម្មតាគឺការនិយាយពិតប្រាកដ ប៉ុន្តែប្រសិនបើភ្លើងបញ្ចេញពណ៌លឿងគឺមានន័យថា ជាការនិយាយកុហក។
បន្ទាប់ពីចេញផ្សាយ ឧបករណ៍ Kokoro កំពុងលក់ដាច់បំផុតនៅប្រទេសជប៉ុន ជាពិសេសនៅចុងឆ្នាំនេះ។ ឥឡូវនេះវាបានកំពុងចេញលក់នៅសហរដ្ឋអាមេរិកហើយដោយតម្លៃត្រឹមតែ៥០ដុល្លារប៉ុណ្ណោះ។ ភ្ជាប់ជាមួយឧបករណ៍នេះ ក៏មានសំណួរគំរូចំនួន១៥ខុសៗគ្នា ដែលគេបង្កើតឡើងសម្រាប់ការទំនាក់ទំនងអាថ៌កំបាំងពិសេស។
ផ្អែកលើការផ្សព្វផ្សាយដោយវីដេអូរបស់ក្រុមហ៊ុនបានសន្យាថា «អ្នករាល់គ្នានឹងមានអារម្មណ៍ពិសេសប្លែក ពេលវេលាដ៏រំភើបរួមគ្នា»។ ពួកគេក៏បានបង្ហាញពីការជំរុញទឹកចិត្តរបស់ពួកគេចំពោះការច្នៃប្រឌិតឧបករណ៍នេះឡើងពីការសម្រេចចិត្តរបស់ប៉ូលិសជប៉ុនក្នុងការប្រើប្រាស់សួរចម្លើយជនល្មើស៕
