យោធាថៃ ប្រកាសពន្យារពេល ៣ ខែទៀត សម្រាប់ការប្រើប្រាស់ ច្បាប់គ្រាអាសន្ន នៅតំបន់ ភាគខាងត្បួង

ប្រភព ដើមអម្ពិល

បាងកក៖ គណៈយោធាថៃ បានសម្រេចពន្យារ ការប្រើប្រាស់ច្បាប់គ្រាអាសន្ន នៅតំបន់ ភាគខាងត្បួង រយៈពេលបីខែ ទៀត ខណៈដែលស្ថាន ការណ៍នៅតែបន្ត អសន្តិសុខ ។

យោងតាមគេហទំព័រ Thai News នៅថ្ងៃ ពុធ ទី ១៨ ខែ មិថុនា ឆ្នាំ ២០១៤ នេះបានចុះផ្សាយឲ្យដឹងថា ឧត្តមសេនីយ៍ វិនថៃ សុវ៉ារី អនុអ្នកនាំពាក្យ កងទ័ពជើងគោកថៃ បានថ្លែងថា គណៈកម្មាការរក្សា សណ្តាប់ ធ្នាប់ជាតិ បានសម្រេចពន្យាពេល៣ ខែ ទៀតសម្រាប់ការប្រើ ប្រាស់ច្បាប់គ្រាអាសន្ន នៅតំបន់ បីខេត្ត ភាគខាងត្បួង ចាប់ពីថ្ងៃទី ២០ ខែ មិថុនា ដល់ថ្ងៃទី ១៩ ខែ កញ្ញា ឆ្នាំ ២០១៤ ដើម្បីការពារ និង រក្សា សន្តិសុខ ប្រជាពលរដ្ឋក្នុងតំបន់ ព្រោះស្ថានការណ៍ នៅភាគខាងត្បូង នៅតែបន្តអសន្តិសុខ ដែលបង្កឡើង ដោយក្រុមឧទ្ទាម។